ಓ.. ನಲ್ಲೆ

ಎಲ್ಲರಂಥವನಲ್ಲ ನಿನ್ನ ಗಂಡ
ಇವನಲ್ಲ ತುಂಟ……..
ಎಲ್ಲರಂಥವನಲ್ಲ ನಿನ್ನ ಗಂಡ

ಮೋಸ..ವಂಚನೆ…ಅರಿಯದವನು
ಸತ್ಯ ದಾರಿಯಲ್ಲೇ ನಡೆಯುವವನು
ಪ್ರೀತಿಗಾಗಿ ಪ್ರಾಣ ಕೊಡುವವನು
ನಿನ್ನಾ..ಹಿಂದೆ…ಓಡಿ ಬರುವನು

ಎಲ್ಲರಂಥವನಲ್ಲ… ನಿನ್ನ ಗಂಡ
ನೀನೇನು… ಬಲ್ಲೆ…
ಎಲ್ಲರಂಥವನಲ್ಲ ನಿನ್ನ ಗಂಡ

ಮಗುವಿನಂತೆ ಮನಸ್ಸು ಇವನದು
ನಡೆಯಿಸಿದಂತೆ ನಡೆಯುತಿರುವನು
ಎತ್ತಿ ಮುದ್ದಾಡಿಸುವ…. ನಿನ್ನನು
ಎಂದೂ.. ಬಿಡದೇ ಹಿಡಿವ ಕೈಯನು

ಎಲ್ಲರಂಥವನಲ್ಲ….. ನಿನ್ನ ಗಂಡ
ಅರಿತಾಗ… ಚೆನ್ನ…
ಎಲ್ಲರಂಥವನಲ್ಲ ನಿನ್ನ ಗಂಡ

ಮನೆಯ ಒಳಗೆ ಇರಲು ನೀನು
ಮಧು ತುಂಬಿದ ಜೇನ ಗೂಡು
ಮಡದಿಯಾಗಿ ಬರಲು ನೀನು
ಮಗುವೆ ಆಗುವೆ ನಿನಗೆ ನಾನು

ಎಲ್ಲರಂಥವನಲ್ಲ…. ನಿನ್ನ ಗಂಡ
ಬೆರೆತಾಗ….ನನ್ನ..
ಎಲ್ಲರಂಥವನಲ್ಲ ನಿನ್ನ ಗಂಡ

ಮಗುವಿಗೆ ಹಾಡುವೆ ನೀನು ಲಾಲಿ..
ನನ್ನ ತೋಳ್ಗಳೆ ನಿನಗೆ ಜೋಕಾಲಿ
ಕೂತು ಜೀಕುತ ನಾವು ಸಾಗುವ
ಜೀವನ ಪಯಣದ ಕೊನೆಯವರೆಗೂ..

ಎಲ್ಲರಂಥವನಲ್ಲ…..ನಿನ್ನ ಗಂಡ
ಬಾ.. ಬಾರೇ…ರನ್ನ
ಎಲ್ಲರಂಥವನಲ್ಲ ನಿನ್ನ ಗಂಡ..
*****